1in.am-ը գրում է.

Ամերիկյան Հավայան կղզիների իշխանություններն արտակարգ դրություն են հայտարարել արևադարձային «Ֆլոսիի» փոթորկի մոտենալու պատճառով, հայտնում է Interfax-ը՝ հղում կատարելով ամերիկյան ԶԼՄ-ներին:

Բացի այդ, Հավայան կղզիների նահանգապետ Նիլ Էբերկրոմբին հայտարարություն է ստորագրել, որի համաձայն՝ նահանգի իշխանությունները կարող են մոբիլիզացնել ազգային գվարդիայի անդամներին ու օգտագործել տարերային աղետի ժամանակներում օգտագործվող օգնության հիմնադրամը: 

Իշխանությունները կոչ են արել կղզու բնակիչներին չեղյալ հայտարարել ուղևորությունները լողափ ու դուրս չգալ ձկնորսության, այլ պատրաստվել փոթորկի ու հնարավոր տարհանման: 

AP-ի հաղորդմամբ՝ որոշ ավիաընկերություններ սկսել են չեղյալ հայտարարել Հավայան կղզիներ չվերթները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել