1in.am-ը գրում է.
Լատվիական Յուրմալայում ավարտվեց երիտասարդ կատարողների «Նոր ալիք 2013» 12-րդ միջազգային մրցույթը:
Այսօր կայացավ գալլա համերգն ու մրցանակաբաշխությունը:
«Նոր Ալիք-2013»-ում հաղթել է կուբացի Ռոբերտո Կել Տորեսը, ով հավաքել է 357 միավոր: Երկրորդ տեղը զբաղեցրեց Վրաստանի ներկայացուցիչ Սալոմե Կատամաձեն (356): Երրորդ տեղը՝ վիետնամցի Վին Հուատը (354):
Մեր երկիրը ներկայացնող «Հայաստանի Ձայն» հեռուստանախագծի հաղթող Մերի Մնջոյանը զբաղեցրել է 8-րդ տեղը և մրցանակ չի ստացել:
Ռուսաստանի ներկայացուցիչ Արսենի Բորոդինը նվաճել է «Հանդիսատեսի համակրանք» մրցանակը: Муз-Тв հեռուստաալիքի մրցանակը ստացավ Յուլիա Տերեշենկոն՝ Ռուսաստանից:
Նշենք, որ մրցութային առաջին օրը Մերին կատարեց միջազգային հիթերից Սելին Դիոնի՝ All By Myself երգը, իսկ մրցութային երկրորդ օրը Էրիկի հետ միասին հանդես եկան զուգերգով և կատարեցին Առնո Բաբաջանյանի «Твои следы» (Քո հետքերը) երգը:
Եզրափակիչ մրցույթին Մերի Մնջոյանը կատարեց «Ես ու միայն դու» երգը: Երգի երաժշտության հեղինակն է Հայկոն, իսկ խոսքերինը՝ Ռուբեն Մխիթարյանը: Ելույթի համար երգչուհին ստացել է 110 միավոր, երեք մրցույթային օրերի ընթացքում հավաքելով նդամենը 344 միավոր :
Ժյուրիի անդամները ցածր գնահատականներ տվեցին, ցուցաբերելով կողմնակալ մոտեցում: