Ես գիտեի թե մենակ իրավաբանական ու տրանսպորտի վարչություններն են հեռու օրենքներից ու օրենսդրական ակտերից, այնինչ օր-օրի հասկանալի է դառնում, որ գրեթե ամբողգ Քաղաքապետարանն է հագեցած օրենքի տգիտությամբ տառապող պաշտոնյաներով: Փաստորեն Քաղաքապետարանը վեր է ածվել մի դուքՅանի, որտեղ գերիշխում են այն անձինք ովքեր հասարակական ծառայությամբ են զբաղվում և իրենց պաշտոնները օգտագործում են սեփական բիզնեսը ապահովագրելու նպատակով:
Սեփական բիզնեսը հասարակական շահերից գերադասելը, ինչպես նաև Քաղաքապետին մոլորության մեջ գցելը և հանրության առջև խայտառակելը, պետք է մտահոգի առաջին հերթին հենց Քաղաքապետին, որպեսզի օր առաջ այս անձինք պատասխանատվություն կրեն իրենց իսկ կողմից թույլ տրված անօրինականությունների ու ապօրինությունների համար:
Սակայն ինչպես մեր նախկին հրապարակումներում անդրադարձել ենք Քաղաքապետի կամային ունակություններին, թերևս այս միջոցառումների ներքո նա ի վերջո կամք կդրսևորի և կպահանջի նշյալ ստորաբաժանումների վարչության պետերի հրաժարականը:
