Lragir.am-ը գրում է.

Վրաստանի պաշտպանության նախարար Իրակլի Ալասանիան եւ ԱՄՆ բեռների փոխադրման հարցերով հրամանատար գեներալ Ուիլյամ Ֆրեյզերը Թբիլիսիում քննարկել են Աֆղանստանից կենդանի ուժի եւ տեխնիկայի դուրս բերման այլընտրանքային ուղիները: 

Հանդիպման ընթացքում Ալասանիան ասել է, որ Վրաստանը պատրաստ է կոալիցիոն ուժերին իր տարածքը տրամադրել: Այս մասին տեղեկացնում է ԻՏԱՌ-ՏԱՍՍ-ը:

«Տեխնիկայի դուրս բերման այլընտրանքային ուղիներից մեկը Վրաստանն է: Մեր երկիրը լավ ենթակառուցվածքներ է առաջարկում, որոնք ամերիկացի գործընկերները կարող են օգտագործել»,- ասել է նա:

Աֆղանստանում ամերիկյան զորքերի թիվը հասնում է 63 հազարի: Մինչեւ 2014 թվականի փետրվարն այդ թիվը կնվազի մինչեւ 34 հազար: Արտասահմանյան զորքերն ամբողջությամբ պետք է լքեն Աֆղանստանը մինչեւ 2015 թվականի մարտը: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել