Սուրճով, շոկոլադով և յոգուրտով աղանդեր. Բարի Լույս

Բաղադրությունը`

Մուգ շերտի համար`
50 մլ. թունդ սուրճ,
2 ճաշի գդալ կաթ,
մի քանի կտոր սև շոկոլադ,
շաքարը ըստ ցանկության,
1 թեյի գդալ դոնդող:
Սպիտակ շերտի համար`
հյութ 1/2 նարնջի,
100 մլ. բնական յոգուրտ,
1 ճաշի գդալ մեղր,
1 ճաշի գդալ չոր վանիլային պուդինգ,
1 թեյի գդալ դոնդող:
Պատրաստման եղանակը`
1. Եփել սուրճը, հովացնել, թրջել նրա մեջ դոնդողը:
2. Շոկոլադը հալեցնել կաթի մեջ, դոնդողն էլ եփել` եռման աստիճան չհասցնելով,խառնել շոկոլադի հետ, լցնել կրեմի համար նախատեսված ափսեյի մեջ և դնել սառնարան, որպեսզի սառչի: Դոնդողի երկրորդ գդալը թրջել նարնջի հյութով, 20 րոպե հետո տաքացնել` չհասցնելով եռման: Հովացնել: Խառնել յոգուրտը, մեղրը , պուդինգը և նարնջի հյութով դոնդողը:
3. Կրեմի ափսեյի մեջ լցնել այն որպես երկրորդ շերտ:
4. Դնել սառնարանում մինչը սառչի: Մատուցելիս զարդարել նարնջի շերտով և քերած շոկոլադով:

Վայելեք...