Համեմատում ենք Հայաստանի և հարևան երկրների աշխատավարձերի չափը

Slaq.am-ը գրում է.

Թանկացումներից Հայաստանը զերծ չի մնում: Բոլորովին վերջերս բարձրացան գազի և էլեկտրաէներգիայի սակագները, ինչն էլ ուղղակիորեն ազդեց հասարակական տրանսպորտի սակագնի վրա: Մեր հարևան երկրներում էլ հասարակական տրանսպորտը մատչելի չէ, ինչպես պարզեցինք մենք` ներկայացնելով մեր փոքրիկ հետախույզը: Այս անգամ էլ Slaq.am-ը համեմատության կարգով ներկայացնում է Հայաստանի և մեր հարևան երկրների նվազագույն և միջին աշխատավարձի չափը: Թե որքանով են օրինաչափ տրանսպորտի գինն ու աշխատավարձի չափը` դատեք ինքներդ:

Հայաստանում նվազագույն աշխատավարձը կազմում է 45, իսկ միջին աշխատավարձը 112 հազ. դրամ է, ինչը համարժեք է մոտ 272 դոլարի: 
Ադրբեջանում նվազագույն աշխատավարձը 93.50 մանաթ է, այսինքն` 119 դոլար, իսկ միջին աշխատավարձը 368 մանաթ է (մոտ 469 դոլար): 
Ուկրաինայում մինիմալ աշխատավարձը կազմում է 1147 գրիվեն, որը համարժեք է 143 դոլարի, իսկ միջին աշխատավարձը 722 գրիվնա է (մոտ 334 դոլար):
Թուրքիայում նվազագույն աշխատավարձը կազմում է 796,50 լիրա, ինչը համարժեք է 414 ԱՄՆ դոլարի:
Ռուսաստանում նվազագույն աշխատավարձը կազմում է 12200 ռուբլի- 376 դոլար, միջինը` 23.7 հազ. ռուբլի է (մոտ 732 դոլար): 
Վրաստանում նվազագույն աշխատավարձը 729 լարի է` 440 դոլար: 
Պարսկաստանում` նվազագույն աշխատավարձը կազմում է 389,4 թուման` մոտ 325 դոլար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել