1in.am-ը գրում է.
2008 թ. Ռաջո Դևի Լոհանն արհեստական բեղմնավորման միջոցով դարձել է աշխարհի ամենատարեց մայրը:
Ռաջոն շատ դժվարությամբ ծննդաբերել է 69 տարեկանում, սակայն այժմ՝ 5 տարի անց, 74-ամյա կինը վստահեցնում է, որ դստեր՝ Նավինի ծնունդն իրեն ավելի ուժեղ է դարձրել և երկարաձգել է իր կյանքը: Տարեց կինը կարծում է, որ դստեր հարսանիքը տեսնելու ցանկությունն իրեն պայքարելու ուժ կտա:
Ռաջոն ապրում է Հնդկաստանի Հիսար գյուղում՝ Նավինի և ամուսնու՝ Բալոյի ու նրա կրտսեր կնոջ՝ Ումիի հետ:
Նավինի ծննդյան պահին շատերը կասկածում էին՝ արդյո՞ք թոշակառուները ճիշտ քայլի են դիմել՝ այդքան տարեց հասակում որոշելով երեխա ունենալ: Նրանց կասկածները, կարծես, արդարացվում էին, երբ Ռաջոն հետծննդյան բարդությունների պատճառով ծանր հիվանդացավ և մի կերպ մահից փրկվեց: Սակայն կյանքի համար ծանր պայքարից հետո նա ապրեց նույնիսկ ավելի երկար այն բժշկից, ով հետևում էր հղիությանը:
«Նավինին պետք չէ անհանգստանալ իր ապագայի համար, նա հայր ունի և մեկ այլ մայր՝ Ումին: Այնպես որ, եթե նույնիսկ ես մեռնեմ, նա միայնակ չի մնա»,- Ռաջոյի խոսքերը մեջբերում է Mail Online-ը:
Լուսանկարները՝ այստեղ