Galatv.am-ը գրում է.
Աշխարհահռչակ արգենտինացին, ով երբեմն հայտնի է նաեւ իր տարօրինակ վարքով, իր հայրենիքում դիմել էր ամերիկյան դեսպանատուն՝ մուտքի արտոնագիր ստանալու համար, որպեսզի իր թոռան հետ այցելի Դիսնեյլենդ: Մերժում ստանալով, նա կրկին անգամ փորձեց ստանալ այն, երբ մեկնել էր Դուբայ ստանձնելու Տարածաշրջանի սպորտային խորհրդի դեսպանի կոչումը: Եւ կրկին անգամ ամերիկացիները մերժել են նրան:
Ինչպես հաղորդում է «The Sun» պարբերականը, մերժման ենթադրյալ պատճառ է հանդիսացել արգենտինացու ընկերությունը Ֆիդել Կաստրոյի եւ Ուգո Չավեսի հետ:
«Սա նրա համար հարված էր գոտկատեղից ներքեւ»,-գրում է պարբերականը:
Վերջին անգամ Մարադոնան ԱՄՆ-ում եղել է 1994թ.-ին: Այն ժամանակ նա մասնակցել է ֆուտբոլի աշխարհի առաջնության խաղերին: Խաղերի ժամանակ տեղի է ունեցել սկանդալային իրադարձություն. նրա դոպինգային թեստը դրական է եղել: Մարադոնային անվանեցին «վտանգավոր անձ», ով հակում ունի թմրանյութերի նկատմամբ:
Հոդվածն ամբողջությամբ կարող եք կարդալ այստեղ