Թուրքիայում թագադրվել է ադրբեջանցի «օրենքով գող» Զաուր Թալիբովը (տեսանյութ)

Operativ.am-ը գրում է.

Ինչպես հայտնում է Прайм Крайм-ը, Թուրքիայում գողերի հանդիպման ժամանակ ադրբեջանցի «օրենքով գող» Ռովշան Ջանիևի նախաձեռնությամբ թագադրվել է նրա ազգական Զաուր Թալիբովը:

Երիտասարդը հանցավոր հեղինակություն Բայրամ Թալիբովի որդին է: Բայրամ Թալիբովը մահացել է 2006 թ. Մոսկվայում ադրբեջանական գողական աշխարհի կնքահայր Հիքմեթ Մուխտարովի հետ, ով հայտնի էր Հիքմեթ Սաբիրաբադսկի մականվամբ:

Հիշեցնենք, որ Դեդ Հասանի սպանությունից հետո Ռովշան Ջանիևին հաջողվել իր շուրջը համախմբել ադրբեջանցի մի շարք «օրենքով գողերի», ովքեր նախկինում հանդես էին եկել իր դեմ: Հատկանշական է, որ Զաուր Թալիբովը նախընտրել է թագադրվել որպես «օրենքով գող» հենց Ռովշանի կողմից: