Aysor.am-ը գրում է.

Հղիությունը կնոջ կայքում ամենաերջանիկ և պատասխանատու շրջաններից է: Դրան պետք է լրջորեն նախապատրաստվել: 

Ներկայացնում ենք 12 խորհուրդ, որոնց հետևելու շնորհիվ կարող եք խուսափել բեղմնավորումից անմիջապես հետո ծագող բարդություններից, ինչպես նաև ծննդաբերել բնական ճանապարհով և ոչ թե կեսարյան հատումով:

1. Անցե՛ք բուժզննում

Անգամ եթե դուք և ձեր զուգընկերը գանգատներ չունեք, միևնույն է՝ պետք է բուժզննում անցնել: Ընդ որում, պետք է այցելել մանկաբարձ-գինեկոլոգին, թերապևտին, հանձնել ամենատարբեր անալիզներ, այդ թվում` սեռական օրգանների վարակի, ցանկալի է այցելել գենետիկ-բժշկի` պարզելու համար, թե արդյո՞ք ժառանգական այս կամ այն հիվանդության կրողն եք: 

2. Այցելե՛ք ատամնաբույժին

Գիտնականները պարզել են, որ ատամների հիվանդությունները կարող են հանգեցնել վաղաժամ ծննդաբերության: Բացի այդ, եթե հղիության ժամանակ ատամների հետ կապված բարդություններ ծագեն, ապա դրանցով զբաղվել հնարավոր չի լինի, քանի որ հղի կանանց անգամ ռենտգենը հակացուցված է:

3. Սահմանե՛ք համապատասխան չափ

Հղիության վրա բացասաբար կարող է անդրադառնալ ինչպես ավելորդ, այնպես էլ՝ ցածր քաշը: 

4. Ճի՛շտ սնվեք

Հավասարակշռված սննդակարգում պետք է ներառված լինի բոլոր խմբերին պատկանող մթերք՝ միս, ձուկ, թռչնեղեն, մրգեր, բանջարեղեն, հացահատիկային կուլտուրաներ և այլն: Պետք է կրճատել կծվի, թթվի, աղի օգտագործումը:

5. Մի՛ փորձեք հղիանալ, մինչև համոզված չլինեք, որ առողջ եք

Դա շատ կարևոր է, պետք է մինչև այդ այցելել բժշկի:

6. Օգտագործեք В վիտամին

Համոզվե՛ք, որ չունես В խմբի վիտամինների պակաս: Այն կանխարգելում է պտղի զարգացման շեղումները: 

7. Եթե ախտորոշել են «անեմիա»

Եթե Ձեզ մոտ ախտորոշվել է «անեմիա» ապա համբերությամբ լցվեք, քանի որ ստիպված կլինեք անցնել հատուկ սննդակարգի և ընդունել բժշկի կողմից նշանակված դեղերը:

8. Սահմանափակեք կոֆեինի ընդունումը

Պարտադիր չէ ընդհանրապես հրաժարվել սուրճից կամ սև թեյից, սակայն խորհուրդ է տրվում օրական ընդունել մեկ փոքրիկ գավաթից ոչ ավելի: 

9. Հրաժարվե՛ք սպիրտային խմիչքներից

Ցանկացած ալկոհոլային խմիչք կարող է խանգարել հղիությանը, իսկ ծխելը և թմրամիջոցներ օգտագործելը կարող են հանգեցնել վիժման, վաղաժամկետ ծննդաբերության և փոքրիկը կարող է խեղումներով ծնվել:

10. Շրջապատող միջավայրը

Պետք է խուսափել վատ ջրից, օդից, արտանետվող գազերից:

11. Պաշտպանվե՚՛ վիրուսներից

Պարբերաբար լվացեք ձեռքերը, քիթը, հնարավորության դեպքում ամեն օր բնակարանում անցկացրեք խոնավ և հատուկ հակամիկրոբային նյութերով մաքրում:

12. Մարզվե՛ք

Աշխատեք ամեն օր մարզանք անել կամ անդամագրվել որևէ մարզակումբի: Այս առումով օգտակար է յոգան:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել