Tert.am-ը գրում է.
Հայաստանի փոխադրող կազմակերպությունների միության համանախագահ Վարդան Փանոսյանը և Հանրային խորհրդի տրանսպորտի հանձնաժողովի նախագահ Տիգրան Հովհաննիսյանն այսօր կայացած ասուլիսին հայտարարեցին, որ հասարակական տրանսպորտի սպասարկող ընկերությունները պատրաստվում են գործադուլ անել, եթե մոտակա մեկ, երկու ամիսներին չլուծվեն իրենց խնդիրները գազի թանկացման և դիզվառելիքի հետ կապված։
Տիգրան Հովհաննիսյանի խոսքով, փոխադրող կազմակերպություններն այսօր պարզապես գնում են լուծարման, իսկ ամբողջ տանջանքը վարորդի վրա է մնում։
«Հասարակությունն առաջին հերթին պետք է տեղեկանա, որ եթե մենք այսօր փոխադրում ենք իրականացնում, մենք չենք ուզում գինը բարձրացնել, եկել ենք ասելու, որ մենք գնում ենք դեպի լուծարման, և եթե մեկ ամսում կառավարությունն ու տրանսպորտի նախարարությունը իրավիճակը չշտկի, որը ինքն իրեն տանում է դեպի ուղևորափոխադրողների լուծարման, քննարկումներից հետո գործադուլի մասին որոշում կկայացնենք»,–ասաց նա՝ հավելելով, որ իրենք պահանջում են նաև հարկերը նվազեցնել։
Վերջինիս խոսքով, Հայաստանում տրանսպորտի և կապի նախարարություն չկա։
Ամբողջական հոդվածը կարող եք կարդալ այստեղ