Իմ երազանքների տղամարդը

Չէ՛, չէ՛, ես, բնավ, մտադրություն չունեի գրել Ջոանա Լինդսեյի համանուն հայտնի գրքի մասին: Ուղղակի մեկ օր նստեցի ու մտքովս սկսեցին անցնել երազանքների սպիտակ «ձիերով» երթևեկող ասպետներն ու բոլոր աղջիկներին հատուկ հետաքրքրությամբ ցանկացա իմանալ, թե ինչպիսին է հենց քո երազանքների տղամարդը:

Ըստ` Մարգարիտա Եսոյանի

Մանկությունից մեր ուղեղում նկարում ենք մի պատկեր ու ողջ կյանքի ընթացքում փորձում գտնել այն միակին: Մեկի երազանքների տիրակալը կապուտաչյա է լինում, մյուսինը` շիկահեր, իսկ երրորդը` ընդհանրապես Բրեդ Փիթի ու Դեվիդ Բեքհեմի մասին է երազում: Իսկ ինչպիսին են մեր երազանքների տղամարդիկ ներքուստ:

Եվ այսպես. «Իմ երազանքների տղամարդը...»

...Պետք է չանտեսի իմ կարծիքը որոշում կայացնելիս:

Աննա, 25 տ.

... Ինձ հետ կանցնի բոլոր փորձությունների միջով, չի վախենա խնդիրներից և ամեն պարագայում կլինի իմ կողքին:

Լուսինե , 33 տ.

... Պատասխանատու է, ազնիվ, հավատարիմ, լուրջ ու աշխատասեր:

Կարինե, 19 տ.

... Պետք է ապավեն լինի ինձ համար:

Յանա, 21 տ.

... Չափի մեջ ամբիցիոզ, և միայն իր կնոջը սիրող:

Տոմա, 23 տ.

Պետք է տղամարդ լինի, և ոչ թե փալաս, ոչ թե սուսիկ-փուսիկ կամ չափից շատ զգայուն:

Տաթևիկ, 26 տ.

...Աննկարագրելի խելացի, հետաքրքիր, սկուզբունքային ու արդար:

Մարիամ, 22 տ.

...ՈՒտում է այն, ինչ ես պատրաստում եմ և ունի շատ քիչ թերություններ:

Լիլիթ, 29 տ.