Իտալիայի հավաքականի գլխավոր մարզիչ Չեզարե Պրանդելի մեկնաբանել է իր սաների` Իսպանիայի ընտրանու դեմ խաղը:

«Իսպանիայի հավաքականը հիանալի թիմ է, որը կայուն խաղ է ցուղադրում: Մենք կարողացանք ցուցադրել մեր ֆուտբոլը: Շանսեր էինք ստեղծում, վերահսկում գնդակը: Առաջին խաղակեսում մենք շատ լավ էինք խաղում, երկրորդում` փոքր-ինչ բարդ էր պահպանել նույն տեմպը: Իսկ 11մետրանոց հարվածաշարի իրացման ժամանակ կարող է ամեն ինչ տեղի ունենալ: 

Շնորհավորում եմ սաներիս` լավ խաղ ցուցադրելու առիթով: Իսկ մրցաշարի կազմակերպիչներին առաջարկում եմ վերանայել ժամանակացույցը: Սաներս հոգնել են, իսկ մարզվելու համար քիչ ժամանակ կա»,- ասել է Պրանդելին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել