keyboard_arrow_up
Բլոգոլորտ
մամուլ

Խիտ թարթիչների գաղտնիքը

visibility 13740 commentմեկնաբանել
Խիտ թարթիչների գաղտնիքը

Խիտ թարթիչներ ունենա՞լ ես ուզում։ Ընդամենը հարկավոր է տիրապետել մի քանի հնարքի, և քո տուշը պարզապես հրաշքներ կգործի:

Մասնագետ`

Ջոյս Բոնելի` Լոս Անջելեսի ամենահայտնի դիմահարդարներից մեկը

Նախապատրաստում

Սև սուրմայի օգնությամբ որքան հնարավոր է` թարթիչների արմատներին մոտ բարակ գիծ տար: Դա լցնում է թարթիչների միջև եղած փոքր, հաճախ` աննշմար տարածությունը` մուգ, արտահայտիչ ու խիտ շարք ստեղծելով:

1. Սկսիր թարթիչները խտացնող հատուկ խոզանակ-պրայմերից: Ծայրերին մոտ խոզանակը մի քանի անգամ պտտիր. դա կնպաստի, որ թարթիչները խիտ ու երկար երևան: Գործողությունը կարող ես կրկնել մի քանի անգամ:

2. Այժմ հերթը տուշինն է. այն հարկավոր է քսել երեք ուղղությամբ. մեջտեղի թարթիչները դեպի վեր` դեպի ճակատ, թարթիչների սկզբնամասը` դեպի հոնքերի սկզբնամաս, իսկ անկյունային թարթիչները` դեպի քունքերը:

3. Տուշի խոզանակն ուղղահայաց պահիր ու սկսիր ներկել թարթիչների ներքևի շերտը: Գնդիկներից խուսափելու համար շեշտը դիր մազիկների երկարության, այլ ոչ՝ խտության վրա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել