Վարչապետ Փաշինյանը պարբերաբար փորձում է փողոցային ակցիաներ կազմակերպել՝ հասկանալու համար երկրում տիրող տրամադրությունները և իրենից առկա ակնկալիքները։ Նախօրեին նմանատիպ առիթ էր ստեղծվել, երբ վարչապետն Աբովյանում մասնակցեց ՔՊ-ի քարոզարշավին։ Հետաքրքրական է, որ ակցիայի մասնակիցների թիվը չէր անցնում մի քանի հարյուրը։
Եթե դատարանների շրջափակման գործողությունների ժամանակ 1100 քաղաքացիներ էին հավաքվել, ապա Աբովյանի ակցիան ցույց տվեց, որ, չնայած այն հանգամանքին, որ իշխանություններն իրենց համախոհներին հավաքել էին նաև այլ վայրերից, ակցիան շատ խղճուկ էր։ Կոտայքի մարզպետ Ռոմանոս Պետրոսյանն ակնարկում էր, որ իրենց թվաքանակը քիչ է, քանի որ իրենք Աբովյանում շարունակում են մնալ որպես ընդդիմադիր ուժ։
ՔՊ-ականները, որ ամեն առիթի չեն խորշում ընդգծել, թե իրեն Հայաստանում ամենուր ունեն ժողովրդի բացարձակ մեծամասության վստահությունը, պատին դեմ առան, իսկ իշխանությունների տենչը դեպի մենիշխանություն և մյուս քաղաքական ուժերի նկատմամբ թշնամանքի և ատելության քարոզը ավելի է հիասթափեցնում հասարակ մարդկանց։
Այնպես որ, Ռոմանոս Պետրոսյանին մեծ հիասթափություն է սպասվում, և լավագույն դեպքում նա կարող է մնալ որպես «սպիտակ ագռավ», քանի որ պարտությունից հետո, ամենայն հավանականությամբ, Փաշինյանը պաշտոնից ազատելուց հետո նրան կնշանակի Ֆեսբուքում ֆեյքերով կոմենտներ գրող փինաչու պաշտոնում։
