Շատ մարդիկ, երբեմն գաղտնի, երազում են այլ կերպար ունենալու մասին։ Ոմանք որոշակի պատկերացումներ ունեն ցանկալի կերպարի մասին և վիրահատվում են… տիկնիկների կամ վայրի կենդանիների նմանվելու համար: Երիտասարդ բրազիլացու ցանկություններն ավելի համեստ են եղել: Նա երազել է ընդամենը շուն լինել, հաղորդում է Jahaz TV-ն:
Համացանցը քննարկում է երիտասարդի ցնցող արարքը, ով որոշել է դեմքին շան մռութ պատվաստել: Համացանցում հայտնված լուսանկարներում երիտասարդը ցույց է տալիս այդ բարդ գործընթացի իրականացման փուլերը: Վերցնելով շան կտրած գլուխը՝ նա դիմել է վիրաբույժին՝ խնդրելով շան բերանը, հոնքերը և դեմքի այլ հատվածներն իր վրա կարել:
Այդ ամենը բավականին սարսափելի է, այդ պատճառով լուսանկարները հրապարակած կայքերը խորհուրդ են տալիս թույլ նյարդեր ունեցող մարդկանց չնայել դրանք:
Երիտասարդի և նրան այդ քայլին դրդած պատճառների մասին որևէ տեղեկություն չկա:
