Բոլորս էլ երբեմն նեղանում ենք սիրելի մարդկանցից: Բայց եթե ամբողջովին դժգոհ ես քո սիրած անձնավորությունից, մտածիր` արդյո՞ք նա այն մարդն է, ով իրավունք ունի կողքիդ գտնվելու: Եվ արդյո՞ք քեզ պետք է իդեալից հեռու տղամարդ: Իհարկե կասես, որ իդեալական մարդիկ չեն լինում: Այո, դա իսկապես այդպես է: Սակայն եթե ներքոնշյալ համոզմունքները քո տղամարդու մասին են, ապա քո բախտը շատ է բերել: Իհարկե այն պայմանով, որ դու էլ նրան ես սիրում, որովհետև անպատասխան սերը երկար կյանք չի ունենում: Դե, մատիտն առ ձեռքդ ու հերթով նշիր այն կետերը, որոնք ունի քո սիրելի տղամարդը:
- Դու միշտ գիտես, թե որտեղ է նա և ում հետ:
- Նա երբեք չի մոռանում քո և ձեր կարևոր ամսաթվերը:
- Նա ասում է, որ քեզնից երեխաներ է ուզում:
- Նա երբեք չի հարցնում, թե որտեղ է աշխատավարձդ կամ ինչի վրա ես այն ծախսել:
- Նա չի մեղադրում քեզ սեփական անհաջողությունների մեջ:
- Նա համարում է, որ աղբ թափելը տղամարդու պարտականությունն է:
- Նա վստահորեն գիտի, թե ինչն է քեզ երջանկացնում:
- Դու ճանաչում ես նրա բոլոր ընկերներին:
- Նա երբեք անուշադրության չի մատնում քո խնդրանքները:
- Նա երբեք չի համեմատում քեզ իր նախկին ընկերուհու հետ:
- Նա չի ամաչում բռնել ձեռքդ հասարակական վայրերում:
- Ամեն երեկո նա հարցնում է, թե ինչպես անցավ օրդ:
- Նա երբեք ձայնը չի բարձրացնում քեզ վրա, անգամ եթե առիթ ես տալիս:
- Նրա կողքին քեզ սիրված ու երջանիկ ես զգում:
- Նա զանգահարում է քեզ առավոտյան և բարի լույս մաղթում:
- Նա հարգում է քո հետաքրքրությունները:
- Նա անտեղի խանդի տեսարաններ չի սարքում:
- Նա խնդիրներ չի փնտրում այնտեղ, որտեղ դրանք չկան, ու այնպես չի անում, որ քեզ մեղավոր զգաս:
- Նա սիրում է քեզ և վստահ գիտի, որ դու աշխարհում ամենալավն ես:
- Նա չի վախենում պատասխանատվությունից և պատրաստ է լուրջ քայլերի:
Դե ի՞նչ, եթե կողքիդ նման տղամարդ է, ապա սրտանց շնորհավորում եմ քեզ: Ամուր պահիր և գնահատիր նրան: Սիրեք և եղեք սիրված :)
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
