Եգիպտական հինավուրց քաղաքի՝ Հերակլեոնի բացահայտումը, անկասկած, չափազանց կարևոր դեր խաղաց պատմության մեջ: Այն դարերով համարվում էր լեգենդ, քաղաք, որը անսահման հարստություն ուներ, որի մասին նշել է Հերոդոտոսը` Պարիսի և Ելենա Տրոյացու այցելության ժամանակ, բայց ցավոք Հերակլեոնը թաղվել էր ջրի տակ: Ենթադրվում է, որ Հերակլեոնը պատրադիր նավահանգիստ էր Եգիպտոս մտնող բոլոր նավերի համար, որոնք գալիս էին հունական աշխարհից:
Քաղաքը, որը կոչվում էր նաև Տեոնիս (ըստ հույների), անհետացել է երկրի երեսից մոտ 1200 տարի առաջ, և հիմա այն գտնվել է: Քաղաքը գտնվում է 11-ից 15 կմ տրամագծով հետազոտական տարածքում` Աբոուկիր ծովածոցի արևմտյան մասում:
Հետազոտությունների ժամանակ գտել են՝
- Ավելի քան 64 նավերի մնացորդներ` խորտակված և ծածկված ավազի և կավի հաստ շերտով,
-Ոսկե մետաղադրամներ և կշռաքարեր՝ պատրաստված բրոնզից և քարերից,
-Հսկայական 5 մետրանոց արձաններ և հարյուրավոր փոքր արձաններ` նվիրված ավելի ստորադաս աստվածների,
-Հսկայական քարե սալեր, որոնք վերագրվում են և՛ Հին Հունաստանին, և՛ Հին Եգիպտոսին,
-Տասնյակ փոքր կրաքարային սարկոֆագներ, որտեղ ենթադրվում է, որ եղել են մումիֆիկացված կենդանիներ,
-Ավելի քան 700 հինավուրց խարիսխներ:
Հերակլեոնի լեգենդար նավահանգստի անիմացիոն նկարը