Հունիսի 7 -ին երեկոյան տուն էի վերադառնում և ականատես եղա մի զարմանալի իրավիճակի, որտեղ որ մասնակից էին ոստիկանները: «Տաշիր» առևտրի կենտրոնի դիմաց տեղի ունեցավ վրաերթ, ավտոմեքենան հարվածել էր մորը և երեխային: Նույն վայրկյանին կանգնեց ավտոմեքենա, և վազելով օգնության հասան երկու ոստիկան, տեղում ցույց տվեցին օգնություն և իրենց իսկ ավտոմեքենայով տեղափոխեցին ինչ-որ տեղ, սակայն նրանցից մեկը մնաց տեղում և օգնում էր տարեց վարորդին: Տեսնելով նրանց կազմակերպված գործողությունների արագությունը՝ մոտեցա և առաջարկեցի օգնությունս, սակայն իմ օգնության կարիքը արդեն չկար: Հավաքվածներից փորձեցի ճշտել, թե ովքեր էին այդ ոստիկանները, և իմացա, որ նրանց «ՀՐԵՇՏԱԿ» են անվանում: Տվյալ վայրում գտնվող ոստիկանից ես փորձեցի ճշտել, թե որտեղ են տեղափոխել մորը և երեխային, պարզվեց, որ ուղղությունը եղել է մոտակա հիվանդանոց: Խնդրեցի, որ նա զանգահարի իր գործընկերոջը և իմանա, թե ոնց է երեխայի և մոր վիճակը: Պատասխանը ուրախալի էր, քանի որ ոստիկանը ժամանակին էի նրանց հասցրել հիվանդանոց:
Ես փորձեցի ճշտել նրանց անունները, որպեսզի հայտնեմ իմ շնորհակալությունը ոստիկանությանը՝ նման ծառայողներ ունենալու համար, սակայն նա ժպտալով և համեստորեն պատասխանեց, որ դա նրանց ծառայողական պարտքն է` լինել քաղաքացիների կողքին և օգնել նրանց ամեն հարցում: Ես հիացած եմ նրանցով և խնդրում եմ ըստ արժանվույնս գնահատել նրանց մարդասիրական արարքը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
