Շամշյանն արդեն գործի է անցել և պատվիրակված կերպով աղավաղում է Գորիսում տեղի ունեցած սպանության փաստերը` Լիսկային դուրս բերելով պատմության միջից

Ահա ինչ է գրում Շամշյանը. «Գ. Շամշյանը հայտնում է, որ հանցագործությունը բացահայտված է: Ըստ ֆոտոլրագրողի՝ կրակոցներից առաջ Ավո Բուդաղյանը Գորիսում հայտնի Սդղի լճում «կեր ու խումի» է եղել», որին, ի դեպ, ներկա է եղել ԼՂՀ նախագահ Բակո Սահակյանը, ինչից հետո քաղաքապետի թեկնածուն զանգահարել է եղբորը և չգիտես մտքներով ինչ է անցել, եղբոր հետ զինված այցելել են մարզպետ Ս. Խաչատրյանի տուն և առանց խոսք ու զրիցի՝ հայհոյանքներ տալով, կրակոցներ արձակել: Արդյունքում, մարզպետի մորաքրոջ թոռը հրազենային վնասվածք է ստացել, իսկ քաղաքապետի թեկնածուն և նրա եղբայրը, չտիրապետելով իրենց, շարունակել են անկանոն կրակոցներ արձակելը, ինչի արդյունքում էլ եղբայրը մահացել է, իսկ ՊՆ սպան հրազենային վնասվածք է ստացել»:  

Ստացվում է, որ Լիսկան որևէ կերպ չի առնչվում կատարվածին, եղել են Ավո Բուդաղյանն ու Բակո Սահակյանը: Բակո Սահակյանը վերադարձել է Ղարաբաղ, իսկ Բուդաղյանները «հարձակում են գործել«» Լիսկայի տան վրա և անկանոն կրակոցներ արձակել... Ահա թե ինչ` Լիսկան հանցագործությունը հրահրողից արդեն վերածվում է հանցագործության թիրախի...
Տեսնում եք, որ մի քանի ժամվա ընթացքում, Շամշյանի նման ծախու և քսու թուղթ մրոտողի միջոցով, ինչ է դրվել շրջանառության մեջ...