Էլեկտրականությունը չպիտի թանկանա, անգամ եթե գազը թանկացել է...
Եվ ասեմ ինչու...
ԱԷԿ-ը՝ ատոմակայանը, աշխատելով իր հզորությունների ոչ ամբողջ ծավալով, արտադրում է հանրապետության էլեկտրաէներգիայի 40%-ը, թեև ի վիճակի է արտադրել նաև մոտ 60%-ը։ Այդ էներգիայի ինքնարժեքը մոտ 8 դրամ է։ Հիդրոէլեկտրակայաններն արտադրում են էլեկտրաէներգիայի մոտ 30%-ը, իսկ էլեկտրաէներգիայի ինքնարժեքը կազմում է մոտ 6 դրամ։ Մնացած 30%-ն արտադրում են Հրազդանի ու Երևանի ՋԷԿ-երը, որոնց տված էլեկտրաէներգիայի միջին արժեքը 24-26 դրամ է։ Հանրային ծառայությունների հանձնաժողովը հայտարարում է, որ էլեկտրաէներգիան թանկանալու է մոտ 7-8 դրամով, այսինքն՝ մոտ 30%։
Դե հիմա հաշվեք, թե իրականում ինչու չպիտի թանկանա էլեկտրաէներգիան... 
Արտադրանքի ծավալի երեսուն տոկոսի՝ երեսուն տոկոսով թանկանալը ընդհանուր ինքնարժեքը կարող է ավելացնել շատ քիչ, քանի որ միայն ՋԷԿ-երի 24 դրամանոց հոսանքն է 7,2 դրամով թանկանում... Բայց չէ՞ որ դա արտադրանքի միայն 30%-ն է։ Եթե արտադրանքի ողջ ծավալի ինքնարժեքի մեջ այն կկազմի մոտ 2 դրամ։
Բացի այդ...
Հենց հիմա էլ էլեկտրաէներգիայի սակագինը ուռճացված է... Լինելով բնական մենաշնորհի տերը՝ բաշխիչ ցանցն իրավունք չունի եռակի ավել գնով վաճառել առաջին անհրաժեշտության այն ապրանքը, որն ինքը չի արտադրել...

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել