Ստամբուլում և Թուրքիայի ողջ տարածքով շարունակվում են հակակառավարական հզոր ակցիայի վերացված ցույցերը:
Ըստ «Թվիթերի» օգտատերերի տարածած տեղեկությունների` այժմ Թուրքիայի որոշ շրջաններում արգելափակված են «Ֆեյսբուքն» ու «Թվիթերը»:
Այժմ ցուցարարները փորձում են հավաքվել Ստամբուլի կենտրոնական Թաքսիմ հրապարակում, սակայն ոստիկանական կոշտ հակազդեցության են արժանանում:
Տեղեկություններ կան, որ ոստիկանները սկսել են արցունքաբեր գազ տարածել ուղղաթիռներով:
Թուրքական հայտնի լրատվամիջոցները շարունակում են կցկտուր տեղեկություններ հաղորդել և հիմնական զարգացումների հնարավոր է ծանոթանալ սոցիալական ցանցերից, հատկապես «Թվիթերից»:
Ըստ վերջին տվյալների` ձերբակալվածների թիվն անցնում է հարյուրը: Ավելի վաղ նշվում էր 4 սպանվածի և 400 վիրավորի մասին:
Նշենք, որ բողոքի ակցիայի համար առիթ էին դարձել Ստամբուլի Գեզի զբոսայգում ծառահատումներն ու կառուցապատման աշխատանքները, ինչը դժգոհությամբ էր ընդունվել ստամբուլցիների մի մասի կողմից: