ԱՄՆ պետքարտուղար Մայք Պոմպեոն ելույթ է ունեցել Ներկայացուցիչների պալատի միջազգային հարաբերությունների հարցերով հանձնաժողովի առաջ՝ պատասխանելով նաև Հայոց ցեղասպանության ճանաչման մասին հարցին:
Կոնգրեսական Դևիդ Սիսիլինը, հարց ուղղելով Պոմպեոյին, ասել է. «Որպես պետքարտուղար՝ կանե՞ք այն, ինչ չեն արել նախկին պետքարտուղարները, կճանաչե՞ք արդյոք Օսմանյան կայսրությունում հայերի դեմ իրականացված Ցեղասպանությունը»:
«Ես չգիտեմ պատասխանը և չեմ կարող պատասխանել, սակայն կվերանայեմ այդ հարցը», - պատասխանել է Պոմպեոն:
Ինչպես տեղեկացնում է Ամերիկայի Հայ դատի հանձնախումբը, Ցեղասպանության հարցին անդրադարձել է նաև կոնգրեսական Բրեդ Շերմանը՝ կոչ անելով պետքարտուղարին արգելափակել F-35 կործանիչների վաճառքը Թուրքիային, որն այն ահաբեկիչների դեմ չի կիրառում:
Նյութի աղբյուր՝ http://operativ.am/?p=276078&l=am
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել