Armsport.am-ը գրում է.
«Բավարիայի» և Գերմանիայի հավաքականի նախկին դարպասապահ Օլիվեր Կանը կարծում է, որ «Յուվենտուսի» դարպասապահ Ջանլուիջի Բուֆոնը պետք է ավելի վաղ հեռանար սպորտից, որպեսզի խուսափեր որոշ տհաճ պարտություններից,
«Ամենակարևոր հարցերից մեկը հետևյալն է. ո՞ր ժամանակն է համարվում ամենահարմարը կարիերան ավարտելու համար:
Բուֆոնը կարող էր խուսափել այնպիսի նվաստացումներից, որոնք ունեցավ Մադրիդում կամ Իտալիայի Գավաթում, եթե տարված չլիներ Չեմպիոնների լիգայում նոր ռեկորդների և հաղթանակների մասին երազանքներով:
Գալիս է մի պահ, երբ պետք է հեռանաս սպորտից: Բուֆոնի կարիերան, իհարկե, չի գնահատվում «Ռեալի» հետ խաղում ստացած կարմիր քարտով, կամ նրանով, որ նա այդպես էլ հաղթանակ չի տարել այդ մրցաշարում:
Նա եղել է աշխարհի չեմպիոնն ու լավագույն դարպասապահը: Ահա, թե ինչ կհիշեն Ջիջի Բուֆոնի մասին»,- Կանի խոսքերն է փոխանցում «Bild»-ը: