«Եվրատեսիլ» երգի մրցույթի ամենահայտնի կայք-բլոգը՝ Wiwibloggs-ը, անդրադարձել է նաև այս տարվա Հայաստանի մասնակից Սևակ Խանաղյանի «Քամի» երգին՝ նշելով, որ առաջին անգամ է, որ ներկայացվում է ամբողջությամբ հայերեն երգ:
Ըստ բլոգերներ Ուիլյամի ու Դեբանի՝ երգը շատ հուզիչ է, նույնիսկ եթե չես հասկանում, թե ինչի մասին է երգում Սևակը։ Նրանց կարծիքով՝ Սևակը հրաշալի կերպով մշակել է իր բեմական կերպարը, առնական տեսք ունի, և իրենք ակնկակալում են երգի հետաքրքիր տեսաձևավորում:
Ուիլյամի խոսքով՝ երգը մրցույթին հմայք կհաղորդի, Սևակն իր հետ մրցույթ կբերի կատարման մաքրություն ու ազնվություն, սակայն չի հաղթի.
«Նա շքեղ ձայն ունի։ Այս երգը չի հաղթի ու չի լինի լավագույն հնգյակում, բայց կանցնի եզրափակիչ»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
