Tert.am-ը գրում է.
Քաղտեխնոլոգ Վիգեն Հակոբյանը քիչ հավանական է համարում, որ Ադրբեջանի ռազմատենչ հայտարարությունները ու մեկնարկած մեծածավալ զորավարժությունները հավանական ֆոն են ստեղծում լայնամասշտաբ պատերազմ սկսելու համար:
Այսօր հրավիրված ասուլիսին քաղտեխնոլոգը նշեց, թե ի տարբերություն լայնամասշտաբ պատերազմի՝ միշտ էլ հավանական է կարճաժամկետ՝ քառօրյա, հնգօրյա, թե վեցօրյա պատերազմական գործողությունները:
«Պարբերաբար հնարավոր է, որ բավական կարճաժամկետ գործողություններ լինեն, բայց չեմ կարծում, որ ստեղծված ֆոնը լայնամասշտաբ պատերազմի կարող է հանգեցնել, այսինքն՝ փոքր պրովոկացիաներ, փոքրիկ գործողություններ կարող են լինել, այդ թվում` նախընտրական շրջանում»,-ասաց նա:
Վիգեն Հակոբյանի կարծիքով` Ադրբեջանը լայնամասշտաբ պատերազմի չի կարող գնալ առանց ուժային կենտրոնների, մասնավորապես Ռուսաստանի հետ համաձայնեցնելու, բայց կարճաժամկետ հարձակումների համար հնարավոր է նաև առանց համաձայնեցման գործել:
Ամբողջական հոդվածը կարող եք կարդալ այստեղ
