Գիտնականները պարզել են, որ սմարթֆոնն իր տիրոջ մոտ կարող է հոգեկան խնդիրներ առաջացնել, հաղորդում է Business Insider-ը:
Դրա պատճառն անընդհատ զանգերն ու ծանուցումներն են, որոնք սթրես առաջացնող հորմոններին մղում են գործողության:
Արդյունքում, հետազոտության համաձայն, ամերիկացի ուսանողների մոտ 89%-ը դժգոհում է «տեսիլային» հեռախոսազանգերից. երբ ուղեղն արձագանքում է հեռախոսին նույնիսկ այն ժամանակ, երբ այն անջատված է: Իսկ 86%-ն էլ նշել է, որ մշտապես ստուգում է էլեկտրոնային փոստն ու սոցկայքերը:
Էնդոկրինոլոգ Ռոբերտ Լուսիտգը հաստատել է, որ անընդհատ հեռախոսային ծանուցումներն ուղեղը «վարժեցնում են» անընդհատ սթրեսի և վախի վիճակում գտնվելուն: Սա հանգեցնում է նրան, որ ուղեղի մի մասը, որը պատասխանատու է ավելի բարձր կարգի ճանաչողական գործառույթների համար, դադարում է գործել ամբողջությամբ:
Արդյունքում, մարդը կորցնում է բազմակողմանիությունը, իսկ կուտակված սթրեսը, միանգամից մի քանի բան անելու փորձերի դեպքում, անմիջապես հանգեցնում է հիվանդագին իրավիճակների:
