Tert.am-ը գրում է.
Արևմուտքը չի արձագանքի այն հանգամանքին, եթե Սերժ Սարգսյանը 3-րդ անգամ պաշտոնավարի որպես երկրի ղեկավար:
Tert.am-ի հետ զրույցում նման կարծիք հայտնեց Գերմանա-ռուսական ֆորումի գիտական տնօրեն, քաղաքագետ Ալեքսանդր Ռարը:
Վերջինս նշեց, որ Արևմուտքն իր խնդիրներն ունի և զբաղված է դրանց լուծմամբ: Ալեքսանդր Ռարի խոսքով՝ Հայաստանում առկա քաղաքական խնդիրները միայն Հայաստանում չեն, նմանատիպ խնդիրները հատուկ են հետխորհրդային երկրներին:
«Հետխորհրդային երկրներում քաղաքական համակարգ չկա: Ամեն ինչ կառուցված է անձերի, կլանների վրա, և գուցե լավ է, որ Հայաստանը փորձեց և շարունակում է ջանքեր գործադրել խորհրդարանական կառավարման համակարգին անցում կատարելու համար: Արևմուտքի տեսանկյունից խորհրդարանական կառավարումն ավելի ժողովրդավար է: Ամեն ինչ բարդ է: Ժողովրդի մենթալիտետը, քաղաքացիական հասարակության չկայացվածությունը վկայում են այն մասին, որ հետխորհրդային երկրները դեռ անելիք ունեն՝ քաղաքական մշակույթի ձևավորման համար»,- ասաց Ալեքսանդր Ռարը: