«Սերժ Սարգսյանը ՀՀԿ կանանց խորհրդի հետ ծաղկաձորյան հանդիպման ժամանակ երկու կարևոր հայտարարություն է արել: Ի պատասխան իր ապագային վերաբերող հարցին՝ նա բավականին սիմվոլիկ է պատասխանել. «Մինչև 2021-ը՝ ՀՀԿ համագումար, ես լինելու եմ ՀՀԿ առաջնորդը, ոչ մի ծրագիր այս պահին չունեմ: 39 օր դեռ կա, վերջին շաբաթում կասեմ, թե ինչ եմ անելու»: Ընդհանրապես՝ նրանք, ովքեր հետևում են հայաստանյան ներքաղաքական կյանքին, զգացած կլինեն, որ Սերժ Սարգսյանի գործելաոճն ունի մի յուրահատկություն՝ կարևոր բաներն ասել անկարևոր վայրերում: Ասվածն ապացուցող նախադեպեր՝ որքան ուզեք, երբ «Բազեի» կամ կուսակցական-քաղաքական դպրոցի սաների հետ հանդիպման ժամանակ արվել են հայտարարություններ, որոնք կարևոր են եղել: Այս դեպքում էլ նույն մարտավարությունն է կիրառվել:
Եթե փորձենք վերլուծել Սերժ Սարգսյանի ասածը, այն կարող է մեկնաբանվել այսպես, մինչև 2021թ., երբ տեղի կունենա ՀՀԿ նոր համագումարը, կուսակցական ղեկավար կազմում փոփոխություններ չեն կատարվի, և ինքն ամեն դեպքում դեռ առաջիկա չորս տարիներին իր ձեռքում կպահի Հանրապետականի սանձը:
Նյութն ամբողջությամբ կարդացեք թերթի այսօրվա համարում: