Armtimes.com-ը գրում է.
Մոսկվայում տեղումնառատ եղանակն ու եղանակային ռեկորդները շարունակվում են:
Երեկ գիշերվանից սկսած առատ ձյունը դարձել է վերջին 68 տարիների տեղումներից ամենաառատը՝ մարտ ամսվա համար: Այս մասին տեղեկացնում է «Фобос» օդերեւութաբանական կայանը:
Ձյունը տեղում է մանր, բայց առատ, ոչ թաց փաթիլներով, մայթերին գրեթե կես մետրանոց ձյան ծածկույթ է տեղացել, Մոսկվայի փողոցներում մայրաքաղաքի ձյունամաքրիչ ողջ տեխնիկան է: 
Մոսկվայի քաղաքապետարանը հորդորել է վարորդներին՝ հնարավորության դեպքում չօգտվել սեփական մեքենաներից:
Ռեկորդային ցուրտ ձմեռվա ջերմաստիճանը պահպանվում է նաեւ գարնան այս օրերին, ձյունն ուղեկցվում է նաեւ ուժգին քամով:
Ձյան տեղումները, ըստ կանխատեսումների, պետք է դադարեն այսօր, սակայն նոր թափով կսկսվեն մարտի 8-ին: Իսկ ձյան դադարից հետո մարտին սաստիկ ցրտեր են սպասվում:
