Մի անգամ մի քանի ընկերուհի գնացել էին լողափ՝ ամառային հանգստի: Մի քանի օր հաճելի ժամանակ անցկացնելուց հետո՝ վերադարձի նախօրեին, նրանցից մեկը ոսկյա մատանի գտավ լողափում: Որոշեցին վերցնել գտածոն ու հետո համացանցում փորձել գտնել տիրոջը:
Գնացքով վերադարձի ճանապարհին նրանց ընկերակցում էր նաև տարեց կին, ում որդին մորը հանգստի տոմս էր նվիրել: Կինը հիացած պատմում էր իր ամառային ժամանցի մասին, միայն մեկ բանից սկսեց դժգոհել: Լողափում նա անզգուշորեն կորցրել էր ամուսնական մատանին, որ դեռ մինչև հարսանիքն իր հանգուցյալ ամուսինն էր նվիրել:
Կինը նկարագրում էր հենց գտնված մատանին: Աղջիկներից մեկը, չդիմանալով հուզիչ սիրո պատմությանը, պայուսակից հանում է մատանին և դնում կնոջ առջև: Կինն ուրախությունից սկսում է արտասվել: Նրանք փոխանակվում են հեռախոսահամարներով և պայմանավորվում հանդիպել:
Մի քանի օր անց աղջիկների վարձած բնակարան է գալիս մի տղամարդ, ով, հետո պարզվում է, մատանին կորցրած կնոջ որդին էր:
Նա եկել էր մոր մատանու համար շնորհակալություն հայտնելու՝ աղջիկներին նվերներ տալով: Տղամարդը ստիպեց աղջիկներին իր հետ գնալ ոսկյա իրերի շուկա և մատանիներ ընտրել: Իսկ ահա կարճ ժամանակ անց նրանցից մեկը սկսեց հանդիպել տղամարդու հետ:
Այնպես որ, ուշադիր եղեք, երբ մեկնում եք հանգստի:
