Սեն-Մարտեն կղզու (Ֆրանսիայի անդրծովյա համայնք) հարավարևմտյան մասում գտնվող Մախո լողափը համարվում է աշխարհում ամենաէքստրեմալներից մեկը։ Բանն այն է, որ այն հարում է տեղի օդանավակայանի թռիչքավայրէջքային ուղուն։

Այս անգամ հանգստացողները չէին հաշվարկել թռչող ինքնաթիռի հզորությունը։ KLM ընկերության վիթխարի Boeing 747-ը որոշ ժամանակ պատրաստվել է թռիչքի՝ տաքացնելով շարժիչները։

Վիթխարի տուրբինների աղմուկը գնալով սաստկացել է, սակայն ոչ ոք չի հեռացել տարածքից՝ փորձելով տեսանկարահանել հիասքանչ տեսարանը։ Ինքնաթիռն արագություն է հավաքել՝ ստեղծելով օդի անհավանական ուժեղ հոսանք, որն ափին գտնվողներից շատերին օվկիանոսն է լցրել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել