Armsport.am-ը գրում է.
Չեմպիոնների լիգայի 1/8 եզրափակչի` ՊՍԺ-ի և Մադրիդի «Ռեալի» միջև կայանալիք խաղից առաջ հարցում է անցկացվել, որի համաձայն ֆրանսիացիների միայն 36%-ն է հավատում իրենց թիմի հաղթանակին «Արքայական ակումբի» նկատմամբ:
Ինչպես հայտնում է RTL-ը, հարցմանը մասնակցել է 18 տարեկանից բարձր 982 մարդ, որոնցից 371-ը եղել է ֆուտբոլային երկրպագու:
Հարցմանը մասնակցած ֆրանսիացիների 22%-ը հավատում է ընթացիկ մրցաշրջանում ՊՍԺ-ի` Չեմպիոնների լիգայում հաղթանակին, սակայն երկրպագուները փարիզեցիների հաջողությանն ավելի շատ են հավատում` 31%: Ֆրանսիացիների 62 և երկրպագուների 76%-ը հավատում է ՊՍԺ-ի` առաջիկա 3 տարիների ընթացքում Չեմպիոնների լիգայում հաղթանակին: Առաջին խաղում երկրպագուների 41%-ը նախապատվությունը տվել է «Ռեալին», 19%-ը` ՊՍԺ-ին, իսկ 31%-ը կարծում է, որ կլինի ոչ-ոքի:
Հարցման մասնակիցների 36%-ը հավատում է փարիզեցիների` երկու խաղերի արդյունքում հաջողությանը, 60%-ը նախապատվությունը տվել է «Ռեալին», իսկ 4%-ի չի կողմնորոշովել պատասխանի հարցում:
Հիշեցնենք` ՊՍԺ-ն և «Ռեալը» կմրցեն Չեմպիոնների լիգայի 1/8 եզրափակչի շրջանակում:
Առաջին խաղը կկայանա Մադրիդում չորեքշաբթի` փետրվարի 14-ին, իսկ պատասխան խաղը` մարտի 6-ին Փարիզում:
Նյութի աղբյուր՝ http://www.armsport.am/hy/news/2018/02/12/PSG-Real/861762
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել