Aysor.am-ը գրում է.
Հարկային օրենսգիրքը քննարկելիս մենք հաշվի առել ենք աքցիզային հարկի դրույքի բարձրացման ազդեցությունը գների վրա, կառավարության նիստից հետո լրագրողների հետ զրույցում ասաց ՀՀ ֆինանսների նախարար Վարդան Արամյանը:
«Լսումների ժամանակ էլ մենք դրա մասին խոսեցինք` դա գնահատված է 0.5 տոկոսային կետ», - նշեց Վ. Արամյանը:
Նա նշեց, որ հարկային գործիքով որևիցե արտոնություններ կամ գների վրա ազդման հետ կապված խաղարկումներ անելը ճիշտ չէ:
«Որովհետև հարկային օրենսդրությունը ճիշտ գործիքը չէ, որպեսզի մենք կարողանանք հանրությանը, սոցիալապես անապահով կամ խոցելի խմբերին օժանդակություն տանք», - ասաց նախարարը:
Վարդան Արամյանի խոսքով` այն ժամանակ, երբ քննարկվում էր հարկային օրենսգիրք, դրված էր պարզ տրամաբանություն:
«Հարկային օրենսգրքի մեջ կան նաև թուլացումներ, կան այնպիսի մոտեցումներ, որ տնտեսվարող սուբյեկտներին հնարավորություն էր տալիս ավելի արդյունավետ կառավարել իրենց կանխիկ հոսքերը, բնականաբար, դա բյուջեի վրա առաջացնելու էր ծանրություն», -ասաց նա:
Ամբողջական հոդվածը կարող եք կարդալ այստեղ
