Ներկայացնում ենք շոկոլադով-կաթնոշոռով դեսերտի բաղադրատոմս:
Շախմատաձև տորթ
Բաղադրիչները խմորի համար՝
- 50 մլ կաթ
- 2 թ/գ կակաո
- 150 գ կարագ
- 180 գ ալյուր
- 3 ձու
- 1 թ/գ փխրեցուցիչ
Բաղադրիչները կրեմի համար՝
- 4 ձու
- 120 գ շաքարի փոշի
- 700 գ կաթնաշոռ
- 200 գ թթվասեր
- 125 գ կարագ
- 2 ճ/գ ալյուր
- 1 ճ/գ վանիլի էքստրակտ
Բաղադրիչները գլազուրի համար՝
- 100 գ շոկոլադ
- 50 գ կարագ
Կարող ես թթվասերը յոգուրտով փոխարինել, վանիլի էքստրակտը՝ վանիլային շաքարավազով: Կաթնաշոռն ավելի լավ է՝ միջին յուղայնության լինի:
Պատրաստումը՝
1. Կաթը, կակաոն, շաքարավազը և կարագը լցրու կաթսայի մեջ և դիր կրակի վրա, մինչև բոլոր բաղադրիչները հալվեն: Խառնիր: Երբ զանգվածը համասեռ դառնա, վերցրու կրակի վրայից, թող սառչի:
2. Սառը զանգվածին ավելացրու ալյուր, փխրեցուցիչ և ձվերը: Խառնիր հարիչով ցածր արագությամբ կամ ձեռքի հարիչով:
3. Թխելու ձևամանի վրա փայլաթիթեղ կամ պերգամենտ դիր: Լցրու խմորը և հավասարաչափ տարածիր: Դիր մինչև 180 աստիճան տաքացված ջեռոցը 25 րոպեով:
4. Նշված ժամկետի ավարտին հանիր վառարանից: Թող սառչի, հանիր ձևամանի միջից, թող էլի սառչի:
5. Կաթնաշոռով կրեմի համար կարագը հարիր շաքարի փոշու և դեղնուցների հետ:
6. Մաս-մաս ավելացրու կաթնաշոռը և թթվասերը: Հարիր, մինչև համասեռ զանգված ստացվի:
7. Հարիր սպիտակուցները, ավելացրու կաթնաշոռով զանգվածին: Կարող ես վանիլի էքստրակտն ավելացնել և ամենը լավ խառնել: Դիր սառնարանը:
8. Շոկոլադե բիսկվիթը կտրտիր նույն լայնության 10 հավասար շերտի:
9. Թխելու ձևամանի վրա կերակրի թաղանթ կամ պերգամենտ դիր: Շերտերը դիր միմյանցից նույն հեռավորության վրա:
10. Շարքերի մեջտեղի ազատ տարածքը կաթնաշոռով կրեմով լցրու:
11. Երկրորդ շերտը դիր: Հիմա կաթնաշոռով կրեմի վրա դիր շոկոլադե շերտերը: Բաց մասերը կրեմով լցրու:
12. Ջրի գոլորշու վրա հալեցրու կարագը և շոկոլադը, ավելի լավ է օգտագործել կաթնային և սև հավասար քանակությամբ: Քսիր տորթի վրա և այն դիր սառնարանը 30 րոպեով:
Եթե չես ուզում գլազուր օգտագործել, կարող ես շոկոլադ քերել և լցնել տորթի վրա: Թղթից շերտեր կտրտիր և դիր տորթի վրա: Քառակուսիների վրա շաքարի փոշի ցանիր: Պատրաստ է: