Հյուրասենյակը բնակարանի կենտրոնն է: Այն անհրաժեշտ է հանգստի, ընտանեկան և ընկերական հավաքույթների համար: Այստեղ պետք է լինի հնարավորինս հարմարավետ և աչքին հաճելի ձևավորված: Այս տարբերակները ամենահեշտ կերպով տեսողական կմեծացնեն ձեր հյուրասենյակի տարածքը:
Եթե ցանկանում եք հյուրասենյակում նուրբ և հանգիստ կահավորանք ստանալ, ապա օգտագործեք հնարավորինս մեղմ երանգներ: Կաթնագույնը, մեղմ վարդագույնը, փղոսկրի գույնն անթերի կհամալրեն հյուրասենյակի դիզայնը: Կարող եք ավելացնել թարմ ծաղիկներ, մարմարե նուրբ արձաններ, դեկորատիվ բարձեր:
Հայելային ձևավորումը լավագույն տարբերակներից է: Հայելին ինտերիերն ավելի նուրբ, հետաքրքիր և տեսողական ընկալմամբ մեծ է դարձնում:
Տեղավորեք հայելին այնպես, որ հյուրասենյակի հիմնական իրերն այնտեղ արտացոլվեն, և սենյակը մոտավորապես երկու անգամ մեծ կթվա:
Եթե խնդիր ունեք ծուռ պատերի կամ ոչ այնքան ճիշտ կառուցված նախագծի, ապա շեշտը դրեք սենյակի մեկ պատի վրա: Այն ուշադրությունը կգրավի իր վրա և հավասարակշռության կբերի պատերի անհավասար թերությունները:
Եթե տանը շատ գրքեր ունեք, սակայն հյուրասենյակի չափը հարմար չէ գրապահարանի համար, ապա կարող եք գրքային պատ կառուցել: Այդ դեպքում թե՛ տարածք կխնայեք, թե՛ կկարողանաք սիրելի գրքերը պահել աչքին հասանելի վայրում:
