Yerkir.am-ը գրում է.
2017 թվականին համաշխարհային հարստության 82%-ը կենտրոնացած է եղել Երկիր մոլորակի քաղաքացիների 1%-ի ձեռքում: Այդ մասին ասվում է Oxfam-ի զեկույցում. հայտնում է forbes.ru-ն:
2010 թվականից սկսած` միլիարդատերերի ընդհանուր կարողությունն աճել է միջինը 13 տոկոսով, ինչը վեց անգամ ավելի է, քան շարքային աշխատակիցների աշխատավարձերի աճի տեմպերը, որոնք աճել են տարեկան միջինը 2 տոկոսով:
Forbes-ի տվյալներով՝ միլիարդատերերի ընդհանուր կարողությունը 12 ամսվա ընթացքում աճել է 762 միլիարդ դոլարով: Ընդ որում՝ բնակչության ամենաաղքատ` 50 տոկոսի բարեկեցությունը չի աճել:
Ընդհանուր առմամբ, աշխարհում այսօր կա 2043 դոլարային միլիարդատեր, ընդ որում` տասից ինը տղամարդիկ են:
Նյութի աղբյուր՝ http://www.yerkir.am/news/view/143574.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել