Ներկայացնում ենք հրեական մի քանի սրամիտ առած․

Փողի հետ այնքան լավ չէ, որքան վատ է առանց դրա:

Ադամն առաջին երջանիկն է, որովհետև զոքանչ չուներ:

Եթե խնդիրը հնարավոր է փողով լուծել, դա խնդիր չէ, դա ծախս է:

Աստված մարդուն երկու ականջ և մեկ բերան է տվել, որպեսզի նա ավելի շատ լսի և ավելի քիչ խոսի:

Թող Աստված քեզ պաշտպանի վատ կանանցից, լավերից ինքդ փրկվիր:

Գինին մտավ՝ գաղտնիքը դուրս եկավ:

Աստված չի կարող միաժամանակ ամենուր լինել, այդ պատճառով նա ստեղծեց մայրերին:

Քաղցր մի եղիր, այլապես քեզ կուտեն: Դառը մի եղիր, այլապես քեզ դուրս կթքեն:

Վախեցիր դիմացի այծից, ձիուց՝ հետևից, հիմարից՝ բոլոր կողմերից:

Հյուրը և ձուկը 3 օր անց սկսում են հոտ արձակել:

Գիտելիքը շատ տեղ չի զբաղեցնում:

Ավելի լավ է՝ հրեան առանց մորուքի, քան մորուքն առանց հրեայի:

Մարդը պետք է գոնե հետաքրքրության համար ապրի:

Խուլը լսեց, թե համրն ինչպես էր պատմում, որ կույրը տեսավ, որ կաղն արագ-արագ վազում էր:

Աստված չքավորներին պաշտպանում է, համենայն դեպս, թանկարժեք մեղքերից:

Եթե բարեգործությունը ոչինչ չարժենար, բոլորը բարերար կլինեին:

Երբ պառաված օրիորդն ամուսնանում է, անմիջապես վերածվում է երիտասարդ կնոջ:

Ծնողները երեխաներին սովորեցնում են խոսել, երեխաները ծնողներին սովորեցնում են լռել:

Հեռվից բոլոր մարդիկ վատը չեն:

Գուցե ձվերը հավերից շատ ավելի խելացի են, բայց դրանք արագ փտում են:

Տղամարդիկ ավելի շատ կանեին, եթե կանայք ավելի շատ լռեին:

Լավ լռելն ավելի դժվար է, քան լավ խոսելը:

Վատ կինն անձրևից վատ է. անձրևը տուն է լցվում, իսկ վատ կինն այնտեղից դուրս է անում:

Աշխարհը կվերանա ոչ որովհետև շատ մարդ կա, այլ որովհետև շատ անմարդկայիններ կան:

Աստված իմ, օգնիր ինձ ոտքի կանգնել, ես ինքս էլ կարող եմ ընկնել:

Եթե կյանքը դեպի լավը չի փոխվում, սպասիր՝ այն դեպի վատը կփոխվի:

Սերը որքան էլ քաղցր լինի, դրանից կոմպոտ չես պատրաստի:

Երբ անելու ոչինչ չկա, մեծ գործեր են սկսում:

Երկու չարիքներից ընտրելիս վատատեսը երկուսն է ընտրում:

Բոլորը գանգատվում են փողի բացակայությունից, իսկ խելքի բացակայությունից՝ ոչ ոք:

Ով երեխա չունի, նրանց լավ է դաստիարակում:

Ավելի լավ է ծիծաղից մեռնել, քան վախից:

Փորձը բառ է, որով մարդիկ անվանում են իրենց սխալները:

Ալեհերությունը ծերության նշան է, ոչ թե իմաստության:

Ծերանալով մարդն ավելի վատ է տեսնում, բայց ավելի շատ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել