Փայլուն նեոնե լույսեր, գեղեցիկ ու ժպտացող մարդիկ, ճոխ ապրելակերպ ու հեշտ գումար աշխատելու միջոցներ. այս ամենը կարելի է ասոցացնել կազինոների հետ։ Սակայն քչերը գիտեն, թե ինչու են կազինոներն այդքան գեղեցիկ ու պայծառ կառուցվում։ Իրականում, շատ մանրուքներ, որոնց դուք ուշադրույուն չեք դարձնում խաղատուն գնալիս, Ձեզ ստիպում են ավելի շատ գումար ծախսել։
BlogNews-ը հատուկ Ձեզ համար գտել է կազինոների 6 գաղտնիք, որոնց մասին Ձեզ երբեք չեն ասել, և որոնք կօգնեն ազատվել խաղամոլությունից, քանի որ դուք կհասկանաք, որ Ձեզ պարզապես խամաճիկացնում ու թալանում են։
1. Վառ լույսերն ու դինամիկ երաժշտությունը ստիպում են ավելի արագ տեմպով խաղադրույքներ կատարել, ինչի արդյունքում ավելի շատ եք անմիտ քայլեր անում ու ավելի մեծ գումար եք պարտվում։
2. Ինչքան ավելի շատ մարդ է լինում խաղասեղանի մոտ, այնքան ավելի դանդաղում է խաղը։ Դա հնարավորություն է տալիս ավելի երկար մտածելու, ինչը դեմ է խաղատան շահերին։ Այդ իսկ պատճառով էլ եթե խնդրեք, որ Ձեզ ուղեկցեն սեղանի մոտ, Ձեզ կտանեն հնարավորինս դատարկ սեղան։
3. Անվտանգությունն ամենուր է, եթե անգամ դուք չեք տեսնում։ Տեղադրված տեսախցիկներն ու այլ սարքերը լավ թաքցված են, սակայն նրանք մշտապես հսկում են Ձեզ։ Շատ խաղատների տեխնիկան հնարավորութուն է տալիս անգամ ճանաչելու մարդուն, պարզելու նրա ֆինանսական կարգավիճակն ու մոտարկելու նրա ծախսելիք գումարը։
4. Մեծ արժեքով քարերը չեն թողնում, որ զգաք, թե ինչքան գումար եք ռիսկի ենթարկում։ Այդ պատճառով էլ Ձեզ հորդորում են ավելի մեծ քարեր վերցնել, և դա տրամաբանական է. ավելի հեշտությամբ մեկ՝ $100-անոց քար կդնեք, քան 10 հատ՝ $10-անոց։
5. Խաղատներում դեք չեք տեսնի պատուհաններ կամ ժամացույցներ։ Դա արված է նրա համար, որ դուք կորցնեք ժամանակի զգացումն ու հնարավորինս երկար մնաք խաղատանը։ Իզուր չէ որ ասում են, որ նույնիսկ եթե դուք հաղթում եք, կազինոն չի պարտվում, քանի որ դուք հաղթած գումարը և նույնիսկ ավելի գումար պարտվելու եք խաղատանը հաջորդող ժամերի ընթացքում։
6. Իրերի դասավորվածությունը շատ կարևոր է։ Եթե ուշադիր եք, ապա նկատած կլինեք, որ ռեստորան, զուգարան կամ կանխիկացման կետ հասնելու համար դուք պետք է անցնեք գրավիչ սարքերի հսկայական շարքերի միջով։ Այս հնարքի օգնությամբ խաղատունն անում է այնպես, որ դուք մաքսիմալ քանակությամբ կանգառներ եք կատարում և ավելի շատ գումար եք պարտվում։
