Ամանորը մոտենում է, և բոլորը շտապում են իրենց մտերիմների համար նվեր գնել: Իհարկե, յուրաքանչյուրին պետք է անհատական մոտեցում ցուցաբերել, սակայն կան բաներ, որոնք հաստատ ոչ ոքի պետք չի նվիրել Ամանորին:
BlogNews-ը ձեզ է ներկայացնում 15 նվեր, որ պետք չի նվիրել, եթե չեք ուզում փչացնել դիմացինի Ամանորը:
Հայելի
Առհասարակ, հայելի նվիրել խորհուրդ չի տրվում: Այն համարվում է խորհրդավոր իր և ասոցացվում է տարատեսակ դժբախտությունների, խնդիրների և տառապանքների արտացոլումով: Հետևաբար ավելի լավ է ոչ ոքի հայելի չնվիրել:
Ժամացույց
Ժամացույց նվիրելը նույնպես արգելքի տակ է: Համարվում է, որ այն նվերը ստացողի մոտ առաջացնում է ցայտնոտ, դրանից հետո նա շարունակ սկսում է ամեն տեղից ուշանալ և շատ բաներ չհասցնել:
Փող
Հիմնականում ժամանակի սղության պատճառով մարդիկ չեն հասցնում համապատասխան նվեր գնել և դրա փոխարեն փող են նվեր տալիս: Պարզվում է՝ երբեմն սա կարող է ֆինանսական խնդիրների նախանշան լինել, ուստի ավելի լավ է փորձել ինչ-որ լավ նվեր գնել:
Գուլպաներ
Գուլպաներ նվիրելուց առաջ մի պահ կանգ առեք և մտածեք՝ ինչ կզգայիք, եթե ձեզ գուլպաներ նվիրեին: Եվ եթե անգամ դուք կուրախանայիք նման նվերից, ավելի լավ է ամեն դեպքում նման նվեր դուք չանեք, քանի որ շատ քիչ մարդ կա, ով նման նվերից կուրախանա:
Գիրք
Գիրքը բավականին բարդ նվեր է այն առումով, որ կան մարդիկ, ովքեր գիրք են նվիրում, որպեսզի իրենք նվիրողի աչքերում խելացի երևան: Ամեն դեպքում, եթե որոշել եք գիրք նվիրել, ապա անհատական մոտեցում ցուցաբերեք և նվիրեք այնպիսի գիրք, որ հենց այդ կոնկրետ մարդուն հետաքրքիր կլինի: Իսկ եթե իմիջիայլոց եք դա անում, ապա ավելի լավ է՝ գիրք չնվիրեք:
Մարգարիտ
Ամեն տեսակ զարդ չէ, որ խորհուրդ է տրվում նվիրել: Օրինակ՝ մարգարիտը ժողովրդական խոսքի մեջ հաճախ անվանում են «ջրահարսի արտասուքներ» և այն ասոցացնում դժբախտության, անպատասխան սիրո հետ, ուստի ավելի լավ է մարգարտե զարդեր չնվիրել։
Դրամապանակ
Դատարկ դրամապանակ նվիրել չի կարելի, քանի որ համարվում է, որ այն կարող է աղքատության բերել: Եթե որոշել եք ամեն դեպքում դրամապանակ նվիրել, ապա մեջը ինչ-որ թղթադրամ կամ կոպեկ դրեք:
Սպասք
Սպասքը նույնպես լավագույն տարբերակը չէ, քանի որ այն կարող է չհամապատասխանել այն ստացողի ճաշակին: Եթե 100%-ով վստահ չեք, որ լավ գիտեք դիմացինի ճաշակը, ապա սպասք մի նվիրեք:
Դանակներ, պատառաքաղներ
Այս իրերի հետ կապված նույնպես կան ավանդույթներ և սնահավատություններ: Ծակող, կտրող իրեր նվիրել չի կարելի, քանի որ դրանք կարող են ընտանեկան գժտություններ և կռիվներ նախանշել:
Հողաթափեր
Սա էլ է գուլպաների շարքից: Հավատացեք, անգամ եթե դուք անձամբ նման նվերից կուրախանաք, շատ քիչ են նրանք, ովքեր նույն կերպ կարձագանքեն հողաթափեր նվեր ստանալուն:
Թաշկինակ
Ընդունված է համարել, որ թաշկինակ նվիրելը կարող է դժբախտություն բերել, այն խորհրդանշում է արտասուքներ, այսինքն՝ նվեր ստացողի կյանքում դրանից հետո կարող են այնպիսի դեպքեր կատարվել, որոնք արտասվելու առիթ կդառնան:
Շալ/շարֆ
Սա էլ ասոցացվում է շուտափույթ բաժանման հետ: Իհարկե, կարելի է նման սնահավատությունների հավատալ կամ էլ ոչ, սակայն ապահովության համար ավելի լավ է նման նվեր անելուց զերծ մնալ:
Սրբիչ
Եվ կրկին ոչ այնքան ուրախալի նվեր: Իսկապես դժվար է պատկերացնել մեկին, ով ուրախ կլինի սրբիչ նվեր ստանալով:
Մոմեր
Համարվում է, որ մոմերը իրենց մեջ կրում են բաժանման, բացասական էներգետիկա: Այդ իսկ պատճառով ավելի լավ է մոմեր չնվիրել, անգամ եթե դա գեղեցիկ ամանորյա հոտավետ մոմ է:
Ձեռնոցներ
Եվ ևս մի իր, որ համարվում է բաժանման և դժբախտության նշան, ուստի նման նվեր տալուց ավելի լավ է խուսափել:
Անգամ եթե դուք չեք հավատում նման սնահավատությունների, դուք չեք կարող վստահ լինել, որ այն մարդն, ում դուք նվեր եք անում նույնպես դրանց չի հավատում, ուստի ապահովության համար խորհուրդ է տրվում խուսափել վերոնշյալ 15 իրը նվեր տալուց:
