Թարմ, հետաքրքիր, կլանող ու երիտասարդական. ստանդարտներից դուրս սիթքոմը միանգամից սիրվեց հեռուստադիտողի կողմից: «Ոսկե դպրոց»-ի առաջին եթերաշրջանը շուտով մոտենալու է ավարտին: Այդ առիթով BlogNews.am-ը ներկա եղել նկարահանման հրապարակում, զրուցել սիրված կերպարների հետ ու բացահայտել որոշ մանրամասներ:
Մհեր
«Ինձ հեռուստադիտողը հիշում է դեռ «Քարե դարդ» սիթքոմից: Այստեղ մարմնավորում եմ Պարույրի կերպարը, որը վերցված է մեր իրականությունից: Կարծում եմ՝ բոլորի շրջապատում էլ կան այնպիսի բնավորությամբ մարդիկ, որոնք ուզում են լիդերների հետ շփվել ու ընկերություն անել: Կերպարիս հաջողությունը ես պայմանավորում եմ նրանով, որ մաս եմ կազմում սցենարական աշխատանքի, այսինքն՝ գրողներից մեկն էլ ես եմ: Նկարահանումներն անցնում են շատ հետաքրքիր ու հաճելի մթնոլորտում: Անկեղծ՝ տխրել ենք, որ մոտենում է եթերաշրջանի ավարտը»:
Իսկ ինչպիսի՞ աշակերտ է եղել Մհերը դպրոցական տարիներին. «Դպրոցում ինձանից էին արտագրում, ես էլ արտագրել էի ուրիշից: Միշտ եղել եմ նախավերջին տեղը նստողը. չգիտեմ` իրականում դա գերազանցիկն էր, միջակը, թե ծույլը»:
Վահե-Բոնի
««Ոսկե դպրոց»-ի Բոնին. սովորաբար մարդիկ փողոցում ինձ այսպես են ճանաչում: Կերպարիս անունով՝ որպես Մաքս, այսքան ժամանակ դեռ մեկն է ճանաչել: Մաքսը սիրահարված է Անիին, սակայն նրա սերն անպատասխան է, ու նա ամեն կերպ փորձում է գրավել դասընկերուհու սիրտը, երբեմն նույնիսկ հիմար տարբերակներ է ընտրում, բայց անկեղծորեն փորձում է: Անին էլ իր հերթին սիրում է Դավիթին, բայց այդ մասին չի բարձրաձայնում: Դպրոցական տարիներին ինքս այդպիսի սիրային եռանկյունում չեմ հայտնվել, չնայած սիրահարված եղել եմ ու չեմ ասել զգացմունքներիս մասին: Փակագծերը չեմ ուզում բացել, բայց լինելու է շատ հետաքրքիր, հատկապես վերջին սերիաները. մարդիկ շատ հետաքրքրված են ոսկիների ճակատագրով: Ովքեր դեռ մինչև հիմա չեն նայել սիթքոմը, կարող են այսօրվանից սկսած ուղղել «սխալը»»:
Պարզվում է՝ Բոնին էլ դպրոցում գերազանցիկ աշակերտ չի եղել. «Դպրոցում գերազանցիկ չեմ եղել: Չէի էլ մտածում դերասան դառնալու մասին: Երազում էի ֆուտբոլի ու բոքսի մասին, բայց չեմ հաճախել ոչ մի սպորտաձևի: Մերոնք ինձ չէին տանում, որովհետև չէին ուզում, որ ծեծեին: Փոքր տարիքում էլ փոքրամարմին էի, ու մտածում էին, որ բոլորն ինձ կհաղթեն»:
Հայկ
Նյութը՝ Էմմա Վարդանյանի
