Տավարի թարմ մսից պատրաստվող հայկական այս կերակուրը տոնական սեղանների զարդն է, ուստի այս բաղադրատոմսը, կարծում ենք, պետք կգա ձեզ նախատոնական պատրաստությունների շրջանում: Այն պատրաստելը բոլորովին դժվար չէ:
Ձեզ հարկավոր կլինի
1կգ տավարի թարմ ֆարշ,
1 ձու,
1 բաժակ ջուր,
2 թ/գ աղ,
3ճ/գ օղի կամ կոնյակ,
3-4 ճ/գ օսլա:
1 գլուխ սոխ (ըստ ճաշակի)
Պատրաստումը
Աղը լցրեք ջրի մեջ, թող լուծվի, ապա լցրեք ֆարշի վրա և ձեռքով կամ բլենդերով լավ հարեք, այնուհետև լցրեք ձուն և կրկին հարեք: Ավելացրեք օղին, օսլան և, ցանկության դեպքում, նաև մանրացրած սոխը:
Ծածկեք զանգվածը պոլիէթիլենային տոպրակով և դրեք սառնարան 20 րոպե: Հանեք սառնարանից և եփեք եռացող ջրի մեջ, ինչպես ցույց է տրված տեսանյութում:
Պատրաստման մնացած մանրամասներին նույնպես ծանոթացեք տեսանյութի միջոցով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել