Երկու ամիս առաջ հայտնի երգիչ Ավրաամ Ռուսոն հեռուստաշոուներից մեկի եթերում ողջ երկրով մեկ հայտարարել էր, որ ամուսնալուծվում է։ Նրա կնոջ համար, ով դրա մասին իմացել էր հաղորդումից, դա միանգամայն անսպասելի էր դարձել։
Նրանք ամուսնացել էին 2005 թվականին։ Այդ ընթացքում Մորելան Ռուսոյի համար երկու դուստր է լույս աշխարհ բերել։ Այժմ երգիչը ցանկանում է զրկել նրանց ողջ ունեցվածքից և խնայողություններից։ Նա վստահ է, որ կինը չի աշխատել, տանը երեխաներին է խնամել, այդ իսկ պատճառով ինքն իր աշխատածը լիովին վերցնելու իրավունք ունի։
Ամուսնու տեսակետի հետ չհամաձայնող Մորելան փաստաբաններ է վարձել։ Նա վստահ է, որ իրենց ամուսնալուծության պատճառ է դարձել երգչի նոր սիրուհին, հանուն որի նա իրենից գաղտնի առանձնատուն է գնել Մերձմոսկվայում։
Մորելան նշել է, որ Ռուսոն չի զանգահարում նույնիսկ դուստրերի հետ զրույցելու համար, նա լքել է իր «հրեշտակներին»։
