Բիոնիկական մեխանիզմների բնագավառում կատարված հեղափոխությունը խոստանում է նոր Touch Bionics տեխնոլոգիա: Այդ ընկերության ինժեներները արհեստական ձեռք են ստեղծել, որը հնարավոր է ղեկավարել iPhone-ի համար նախատեսված հատուկ հավելվածի միջոցով:
Նոր բիոնիկական i-Limb Ultra Revolution ձեռքը գրեթե չի տարբերվում իսկականից: Ալյումինե մատները կարող են շարժվել առանձին-առանձին, իսկ դաստակը ծալվում է կամ բացվում: Այս պահին սա ամենամանրակրկիտ պրոթեզն է, որ երբևէ ստեղծվել է: Բացի այդ՝ դա առաջին արհեստական ձեռքն է, որը հնարավոր է ղեկավարել սմարթֆոնի միջոցով, նշում են ստեղծողները:
Ստեղծողները ձեռքի աշխատանքի 24 ալգորիթմ են առաջարկում: Պրոթեզը ծրագրավորելը հնարավոր է դարձել հավելվածի նշանի վրա մեկ սեղմումով: Նորարար պրոթեզի սեփականատերը կարող է շախմատ խաղալ, բանջարեղեն մաքրել և ձեռքով տարբեր տեսակի իրեր պահել: iPhone-ը արհեստական ձեռքին է միանում անլար Bluetooth ցանցի միջոցով:
Արտադրողները կարծում են, որ i-Limb Ultra Revolution-ը անհրաժեշտ կլինի նրանց, ովքեր նոր-նոր են սկսում օգտվել կենսաբանական պրոթեզից: Այդպես հնարավոր է ավելի հեշտորեն գործարկել մեխանիզմը, որն էլ կօգնի արագ կերպով հարմարվել օգտագործմանը: Դրա հետ մեկտեղ, պրոթեզը կարելի է նաև կառավարել սովորական եղանակով, այսինքն՝ ազդանշանների միջոցով, որոնք ուղարկվում են ձեռքի մկանների կողմից:
