«Ազիզյանների» հաղթարշավը շարունակվում է Ucom ցանցում հեռարձակվող Արմենիա Պրեմիումի եթերում: Պրեմիումի հեռուստադիտողների ամենասիրելի ու սպասված գերդաստանն արդեն սկսել է 3-րդ եթերաշրջանի նկարահանումները: Առաջին նկարահանումներին ներկա է եղել նաև BlogNews.am-ը:
Մեզ հետ զրույցում դերասան Հայկ Մարությանը նշեց, որ նոր եթերաշրջանը հագեցած է լինելու նոր զարգացումներով ու ծիծաղաշարժ իրավիճակներով։ Դերասանական կազմում ևս էական մեծ փոփոխություններ չեն եղել. «Յուրաքանչյուր սերիա առանձին իրավիճակ է լինելու, այսինքն` լինելու է սկիզբ, ընթացք ու վերջ։ Չկա որևէ շարունակական զարգացում, ամեն սերիայում իրավիճակները տարբեր են: Այս պահին դեռևս նոր դերասաններ չեն ավելանա, փոխարենը զարգանալու են նրանց կերպարային գծերը»:
3-րդ եթերաշրջանն է, բայց դեռ Ռուզանը՝ Գառնիկի կինը, չի սովորել ճաշ պատրաստել: Դերասանուհի Անի Լուպեն թեև չցանկացավ մանրամասներ հայտնել իր կերպարի զարգացումների մասին, այդուհանդերձ, նշեց, որ Ռուզանի բնավորության հիմնական գծերը պահպանվել են. «Երրորդ եթերաշրջանում կերպարային փոփոխություններ առանձնապես չկան: Մինչ այս եղած արձագանքներից էլ կարող եմ ասել, որ հեռուստադիտողը սիրել է Ռուզանի կերպարը: Նա այնպիսին է, որ բոլոր կանանց բնավորության գծերից քիչ-քիչ ունի՝ կամակոր է, պահանջկոտ… Կարող եմ վստահեցնել, որ սցենարային զարգացումներն ու ծիծաղաշարժ իրավիճակները հեռուստադիտողին այս անգամ էլ կպահեն հեռուստաէկրանների առջև»:
Ազիզյանների արկածներին կարող եք հետևել հոկտեմբերի 16-ից, Արմենիա Պրեմիումի եթերում: Սիթքոմը եթերում կլինի շաբաթական 2 անգամ՝ 21:00-ին:
Նյութը՝ Էմմա Վարդանյանի
Լուսանկարները՝ Շուշանիկ Անտոնյանի
