Tert.am-ը գրում է.
Լեռնային Ղարաբաղի հակամարտության խաղաղ կարգավորմանն այլընտրանք չկա: Tert.am-ի հետ զրույցում այս մասին ասաց Հայաստանում Ռուսաստանի դեսպան Իվան Վոլինկինը:
Հարցին՝ ի՞նչ ակնկալիքներ ունի Հայաստանի և Ադրբեջանի նախագահների ծրագրվող հանդիպումից, Իվան Վոլինկինը պատասխանեց, որ Ռուսաստանը, լինելով ԵԱՀԿ Մինսկի խմբի եռանախագահներից մեկը, բնականաբար, հետաքրքրված է նրանում, որ բանակցությունները հաջողության հանգեցնեն, որ հակամարտությունը կարգավորվի խաղաղ ճանապարհով:
«Հակամարտության խաղաղ կարգավորմանն այլընտրանք չկա: Ռազմական ճանապարհով հնարավոր չէ կարգավորել այս հարցը, ուժի կիրառումը կհանգեցնի նոր զոհերի ու կբարդացնի հակամարտության կարգավորման գործընթացը: Այնպես որ, կարծում եմ, հակամարտությունը պիտի կարգավորվի բանակցային սեղանի շուրջ»,- ասաց Հայաստանում ՌԴ դեսպանը:
Վոլինկինն ասաց, որ Ռուսաստանն աջակցում է բոլոր այն ձևաչափերին, որոնք կհանգեցնեն հակամարտության կարգավորման շուրջ բանակցություններ ու քննարկումներ անցկացնելուն:
Ամբողջական հոդվածը կարող եք կարդալ այստեղ։
