Ingredients

  • Հիմքը՝
  • տոստի համար նախատեսված հաց - 6 մեծ կամ 12 փոքր կտոր
  • հավի կրծքամսի խոշոր փափկամիս (յուրաքանչյուրը 250գր) - 2 հատ
  • կարմիր սոխ՝ փոքր - 1 հատ
  • աղ - ըստ ճաշակի
  • պղպեղ - ըստ ճաշակի
  • ձու՝ խաշած - 2 հատ
  • լոլիկ՝ միջին չափի - 2 հատ
  • խոզապուխտի կտոր (հում ապխտած կամ ապխտած-եփած կրծքամիս) - 8 հատ
  • հազարի թերթեր - ըստ ճաշակի
  • մայոնեզ - ըստ ճաշակի
  • կարտոֆիլ ֆրի՝ մատուցելիս - ըստ ցանկության

Instructions

  1. Հավի ֆիլեին աղ ու պղպեղ ենք անում, տապակի մեջ բուսական յուղում տապակում, մինչև պատրաստ լինի:
  2. Հացը տապակում ենք յուղ քսած տապակում:
  3. Խոզապուխտը չոր տապակում տապակում ենք միջին թեժության կրակի վրա` մինչև խրթխրթան դառնալը:
  4. Պատրաստի կրծքամիսը կտորների ենք բաժանում: Լոլիկն ու ձվերը կտրտում ենք շերտերով, սոխն` օղակաձև:
  5. Հացի առաջին կտորը թրջում ենք մայոնեզով, դնում ենք հազարը, հավը և ձվերը:
  6. Ծածկում ենք երկրորդ կտոր հացով, կրկին թրջում ենք մայոնեզով, դնում հազարը, խոզապուխտը, սոխն ու լոլիկը։
  7. Ծածկում ենք մայոնեզում թրջած հացի մնացած կտորով: Յուրաքանչյուր սենդվիչ տրամագծով բաժանում ենք 4 մասի (եթե հացը փոքր չափսի է, ապա` 2), յուրաքանչյուր մասում փայտիկ ենք խրում: Մատուցում ենք ֆրի կարտոֆիլով (ըստ ցանկության):

Համեղ ու պրակտիկ քլաբ սենդվիչներն ամենօրյա նախաճաշի հիանալի բաղադրիչ են: Նախատեսված է 2 չափաբաժնի համար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել