Armenpress.am-ը գրում է.
Վրաստանի տարածքում սեպտեմբերի 7-ի առավոտյան հայկական ավտոբուսի մասնակցությամբ վթար է տեղի ունեցել: «Արմենպրես»-ին այս մասին հայտնեցին ՀՀ արտաքին գործերի նախարարության մամուլի խոսնակ Տիգրան Բալայանը:
Ըստ ՀՀ ԱԳՆ ունեցած տեղեկության` ավտոբուսի ուղևորներից 11-ը դիմել են բժշկական օգնության, սակայն մանրամասների դեռևս չեն տիրապետում: «Այս պահին ավել ոչինչ չեմ կարող ասել: Երբ լինեն մանրամասներ, կհրապարակենք»,- ասաց Բալայանը:
Վրաստանում Հայաստանի դեսպանատնից էլ «Արմենպրես»-ին հայտնեցին, որ վթարը տեղի է ունեցել Վրաստանի Նատախտարի շրջանում: Դեսպանատունը քայլեր է ձեռնարկում մանրամասները պարզելու համար:
Նյութի աղբյուր՝ https://armenpress.am/arm/news/904405/vrastanum-haykakan-avtobus-e-vtari-entarkvel-kan-zoher.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել