Azatutyun.am-ը գրում է.
Հույս ունենալ, որ «Նաիրիտ» գործարանի թափոնների այրված պահեստում միայն էթինոլ է եղել, քիչ հավանական է։ Այդ մասին «Ազատության» հետ զրույցում ասաց «Հանուն կայուն զարգացման» հասարակական կազմակերպության նախագահ Կարինե Դանիելյանը։
«Ինչքան որ ես կարողացա կողմնորոշվել եղած նյութերից և միջազգային փորձերից, այրվել է կաուչուկի արտադրության թափոնների պահեստը, և հույս ունենալ, որ այնտեղ միայն այդ լաքն է եղել, մի քիչ քիչ հավանական է։ Սովորաբար նաև այլ նյութեր են լինում, և մենք տեղեկություն չունենք, թե էլ ինչ նյութեր են եղել», - ասաց Դանիելյանը։
Բնապահպանի խոսքով՝ Բնապահպանության նախարարությունն ուսումնասիրել է հիմնականում այն նյութերը, որոնք միշտ օդային ավազանում իրենք ուսումնասիրում են։
«Ուսումնասիրել է օդում ծծումբի միացությունները, ազոտի միացությունները և գետնամերձ ազոնը, փառք Աստծո, որ եթե և անցել են այդ սահմանային կոնցենտրացիան, ապա այդ անցումը շատ փորք է եղել, դա լավ է, բայց սահմանափակվել միայն այդ ուսումնասիրություններով, իմ կարծիքով, ճիշտ չի լինի, ուղղակի դա արդեն նախարարության մոնիթորինգի կենտրոնի հնարավորություններից կարծես դուրս է գալիս», - ասաց Դանիելյանը։
Անվտանգությունն ապահովելու համար, ըստ բնապահպանի, հարկավոր է շատ ավելի լայն ուսումնասիրություն կատարել։
Ամբողջական հոդվածը կարող եք կարդալ այստեղ։
