Օրեր առաջ ԱՄՆ Մասաչուսեթս նահանգի Օրլեանս քաղաքի ծովափերից մեկում արտակարգ դեպք է պատահել․ մարդիկ սկսել են հանկարծակի իրար խառնվել, երբ նկատել են, թե ինչպես է ծովի ջուրը կարմրում։

Բրուկլինից ժամանած մի խումբ հանգստացողներ պատմել են, թե ինչպես է այդ ամենը պատահել․ նրանցից ընդամենը կես մետր հեռավորության վրա գտնվող շնաձուկը որսացել ու սկսել է հոշոտել մի ծովառյուծի։ «Լողալով արագ դուրս եկա ջրից, ինձ թվում էր՝ հիմա շնաձուկն ինձ էլ կառնի իր հսկա բերանի մեջ և միանգամից կուլ կտա»,-նշել է նրանցից մեկը։

Բարեբախտաբար ջրում բոլոր լողացողներին հաջողվել է ապահով դուրս գալ ափ։

Տեսանյութում երևում է, թե ինչպես է օվկիանոսի ջուրը կարմրում ծովացլի արյունից և թե ինչպես են սերֆինգով զբաղվողները շտապում դեպի ափ՝ ավելի ապահով վայր։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել